കേരളമാതേ കൈരളീ നിന്റെ കേരകേദാര നികേതനത്തില്‍
സ്വരലയ സുന്ദര ഗീതങ്ങള്‍ പാടി സുരകന്യമാര്‍ വന്നു കളിയാടി
(കേരളമാതേകൈരളീ...........)
ചിങ്ങമാസ തിരുവോണപ്പുലരിയില്‍ മാവേലിമന്നന്‍ വിരുന്നുവന്നു
പൂക്കളമിട്ടു പൊന്‍പൂത്താലിചാര്‍ത്തി പൂവടപൂജിച്ചു പൂവിളിച്ചു
കൈകൊട്ടി കളിയുടെ കളമൊഴിഗാനം കളരികളില്‍ നല്ലരണമേളനം
മലയാളമക്കള്‍തന്‍ ഹ്യദയങ്ങളില്‍ മന്നന്‍ പുളകങ്ങള്‍ ചാര്‍ത്തിമതിമയങ്ങി
(കേരളമാതേകൈരളീ........)
മഞ്ഞിന്‍ മണികളണിഞ്ഞു തിരുവാതിരപുലരി ഉണര്‍ന്നു
കുളികഴിഞ്ഞു അളിവേണികള്‍കരളില്‍ കുളിരണിഞ്ഞു വേഷമണിഞ്ഞൊരുങ്ങി
കാമദേവനെ പൂജിച്ചുവ്രതവുമായ് മാംഗല്യഗീതങ്ങള്‍പാടി
പാതിരാപൂചൂടി ഊഞ്ഞാലാടി ധനുമാസമഹോല്‍സവം കൊണ്ടാടി
(കേരളമാതേകൈരളീ.........)
കനകസരസ്സില്‍ ആറാടി കണികൊന്നമരങ്ങള്‍ ചാഞ്ചാടി
കണ്ണാടിതാംബൂല മംഗളദീപവും കണികണ്ടു പുതുപണം കൈനീട്ടംവാങ്ങി
ഉല്‍സുകരായ് മോദമാനസരായൊരു വല്‍സരശുഭ ഫലസങ്കല്‍പമായി
കൈരളീ കേരളക്ഷേത്രോല്‍സവങ്ങളില്‍ കൈവിളക്കേന്തി കളിച്ചുല്ലസിച്ചു
(കേരളമാതേകൈരളീ............)
No comments:
Post a Comment